Sibat 2022 Abonetî Piştgirî  fransî | îngilîzî | almanî | edîsyonên dîn

rojnamegerîya rastîn, ramana azad
—zanyarîyên bêlayan, analîzên rexneyî

Zehra Doğan

Wênesaza vê hejmarê Zehra Doğan di sala 1989an de li Amedê ji dayik bûye. Perwerdeya xwe ya bilind li Zanîngeha Dîcleyê temam kirîye û ji beşa mamostetîya wênesazîyê mezûn bûye. Zehra Doğan ligel wênesazîyê rojnamevanîye jî dike û yek ji damezranêra JINHAyê (Jin Haber Ajansı – Ajansa Nûçeyan a Jinan) ye.

Hunermand Zehra Doğan heta JINHA di 1996an de bi biryarnameyeke qanûnî hat girtin, li ajansê xebitî. Di pêvajoya şer û pevçûnên li Iraq û Sûriyê de, ew ji bo ragihandina nûçeyan çû van deveran û bi jinên Êzidî yên ji destê DAIŞê rizgar bûne re axivî.
Zehra Doğan di tîrmeha 1996an de li Mêrdînî hat girtîn. Ew ji sedema xebatên xwe yên rojnamegerîyê bi sûcdarîya propagandaya rêxistina tororê û endemetîya rêxistina terorê hat darizandin. Di encama darizandinê de 2 sal 9 meh ceza lê hat birîn, di zîndanên Mêrdîn, Amed û Tarsûsê de ma. Doğan di pêvajoya xwe ya mayîna zîndanê de, di nava mercên bêîmkanîyê de ji alîyê hunerî ve berhemên gelek hêja çêkir. Li cihê ku tûwal nediket destê wê, materyalên wekî kontrplak, xewlî, kinc, çarşef, rûyê balîfê, nexşe, xalîçe û rojnameyan wekî tûwalê bi kar dianî, li cihê ku boyax nediket destê wê ji bo rengdayina berhemên xwe tiştên wekî xwîna menstrualê, mîz, zerdalî, çay û hwd. bi kar dianî. Berhêmên Doğan ên ku li zîndanê di nav mercên gelek dijwar de hatine afirandin, dest nîşan dikin ku tu astengî û zordestî nikare mêjîyê mirov radest bike û pêşî li afirandina hunerê bigire.

Zehra Doğan, kurdish journalist, artist and author. ( Foto: Refik Tekin, 2016)

Hunermand Zehra Doğan bi berhemên xwe 11. Bienalleya Berlînê jî di nav de beşdarî gelek pêşangehên navneteweyî bûye û ji sazîyên hunerî û mafên mirovan navneteweyî bi dehan car xelatên giran biha wergirtîye. Wekî mînak; di çirîya paşîn a 2020î de xelata hunerê ya “Artissima 2020, Carol Rama”, di 2021 bi romana xwe ya grafîk ya bi navê ‚‘Zîndana Nimro 5‘‘ xelata Roman a Le Soir. Doğan di 2020î de jî ket nav lîsteya 100 kesên di hunera hevdem de herî aktîf.
Ji bo agahdarîyên zêdetir:
https://zehradogan.net

Galerî / Zehra Doğan

Hemû gotarên nivîskar

+ Hemû gotarên nivîskar
  • Sign Up
Passwordîfreya xwe winda kir? Ji kerema xwe navê bikarhêner an navnîşana e-nameya xwe binivîsin. Hûn ê ji bo afirandina şîfreyek nû bi riya e-nameyê girêdan bistînin.