Çirîya paşîn 2021 Abonetî Piştgirî  fransî | îngilîzî | almanî | edîsyonên dîn

rojnamegerîya rastîn, ramana azad
—zanyarîyên bêlayan, analîzên rexneyî

Serhad Bapîr

Serhad Bapîr di sala 1964an da li bakurê Kurdistanê, li bajarê Tetwanê yê girêdayî Bedlîsê hatiye dinê. Hê ji dibistana navîn beşdarî têkoşîna rizgarîxwaza netewî ya miletê kurd bû. Ji ber beşdarbûna vê xebata polîtîk, di sala 1983yan da serê wî bi Cûnta Tirkîyeyê ya wê demê ra kete belayê, lê gerîyan.

Di sala 1984an da, wekî penaberekî polîtîk, xwe sipart ber bextê Yunanistanê. Ji bo xwendina xwe ya zanîngehê, ji sala 1985an heta 1992yan ji Enstîtûya Kurdî ya Parîsê bûrsa xwendinê wergirt. Ji sala 1987an heta 1992yan, di beşê Nîgar û Hunerên Pratîk a Akademiya Hunerên Ciwan ya Zanîngeha Arîstotales ya Selanîkê, di atolyeyên Prof. Vangelîs Dîmîtreas û Dîmîtrîs Kondos de xwend. Dîsa ji sala 2001ê heta 2007an, di beşê grafîkê ya heman zanîngehê de, li atolyeya Prof. Ksenefon Sahînîs xwend (dîploma diduya).
Ji sala 1997an û vir ve di dibistana navîn de wekî mamosteyê hunerê dixebite. Endamê Komeleya Hunermendên Nîgarkarî ya Bakurê Yûnanistanê, yê Yekîtîya Hunerên Nîgarî ya Yûnanistanê û endamê Yekîtîya Grafîkçêkerên yûnanî ye. Heta niha li Yûnanîstanê û li Swedê 8 pêşangehên xwe yên ferdî pêkaniye û beşdarî ji 100î zêdetir pêşangehên komî bûye. Berhemên wî di hin civanbendan da hene.

Ji sala 2007an û vir ve bloga https://huneruraman.blogspot.com ya bi kurdîya kurmancî ava kirîye û têde nivîsên xwe yên li ser huner, ziman, polîtîka, mijarên cihêreng û helbestên xwe, her wisa jî fotografên hin berhemên xwe diweşîne. 2 blogên wî yên bi zimanên îngîlîzî û yûnanî jî hene.

Li ser hunera wî, dîrokvanên hunerê Elenî Karçaka, Ellî Kokkînî, Lîa Gîoka û Thalîa Stefanîdu û her wisa nivîskar û hunermend Kostas Laxas, Ksenîs Saxînîs û Basîlîs Îoannîdîs nivîsîne.

Galerî / Serhad Bapîr

Hemû gotarên nivîskar

+ Hemû gotarên nivîskar