Sibat 2021 Abonetî Piştgirî  fransî | îngilîzî | almanî | edîsyonên dîn

rojnamegerîya rastîn, ramana azad
—zanyarîyên bêlayan, analîzên rexneyî

Rojnivîsa Thorez

Vebijarkên pêşî yên M. Joseph Biden ji bo pozîsyonên kilîd ên rêveberîya xwe (sîyaseta derve, aborî, hawîrdor) dikarin bibin sedemên xeyalşikandina kesên ku jê hêvî dikin li Waşîngtonê guherînên kûr pêk bîne. Li gel vê yekê, sîyaseteke hinek bi îdîa jî wê ji çeperên partîya komarger bizîvire, ji ber ku ev partî bi qasî dihat hêvîkirin bi têkçûneke wisa mezin re rû bi rû nema.

Maurice Thorez çend roj berî ku bimire, di tîrmeha 1964an de li ser keştîyeke ku wî dibe ji bo careke din tatîla xwe li Kirimê derbas bike, ciwanîya xwe ya dema karkerê madenê bû weha qeyd dike: «17ê tîrmeha 1912an dema 12 salî bûm, min di çala [kortal] 4an de dest bi bijartin û neqandina [madenan] kir.» Ev ê bibe yek ji rûpelên dawî yên rojnivîsa wî. Ji 25ê mijdara 1952an ve Thorez hewl dide vê rojnivîsê, li cem xwe ragire, wekî egzerzîseke ji nû ve perwerdekirinê, piştî felceke ku ew ê di pêvajoyeke du sal û nîvan de li Yekîtîya Sovyetê tedawî bike(1). Destpêkê, hewldan lê giran tê; nivîs lerzok e. Pênc peyv roja pêşî, rêzek mehên pêşî. Hêdî hêdî, nivîs qewî dibe û paragraf li pey hev dibin zincîre, lê belê bêyî ku rojê ji dudu an jî sisêyan derbas bibin. Thorez têde herweha pêşketina tendirustîya xwe jî qeyd dike: di îlona 1957an de, mesela, ew «êlek [ê xwe] pişkok dike û pişkokên wê vedike».

Li pêvajoyeke ku rêveberên komunîst ên fransî pirî caran ji alîyê polîsan ve tên şopandin û carna jî tên girtin, sekreterê giştî yê Partîya Komunîst a Fransayê (PCF) hewl dide tu tiştekî hesas nenivîse li nava defterên xwe yên ku bi nivîsan dadigire. Encam, xwendevan jî bêguman bêyî ku zêde bala xwe bidê, wê bi lez bipelîne van rûpelên têkildarî rojbûn, salveger, cejnên malbatî, meş, gerûgeşt, xizmên ku diçe wan li garê pêşwazî dike, bêyî ku tu tiştî veşêre, helbet, şîranîyên tûreşk û kîrazên li nava konyakê yên ji alîyê «Jeannette»ê ve amadekirî.

Xwendevanên hêja, ji bo ku hun bikaribin berdewamîya
nivîsê bixwînin ji kerema xwe bibin abone.
Bibin Abone

________

1) Maurice Thorez, Rojnivîs, 1952-1964, weşanxaneya ji alîyê Jean-Numa Ducange û Jean Vigreux (ku xebata wî pir bi bandor e) ve avakirî, Fayard, Parîs, 2020.

Hemû gotarên nivîskar

+ Hemû gotarên nivîskar
X

Passwort vergessen?

Mitglied werden!

  • Sign Up
Passwordîfreya xwe winda kir? Ji kerema xwe navê bikarhêner an navnîşana e-nameya xwe binivîsin. Hûn ê ji bo afirandina şîfreyek nû bi riya e-nameyê girêdan bistînin.