Gulan 2021 Abonetî Piştgirî  fransî | îngilîzî | almanî | edîsyonên dîn

rojnamegerîya rastîn, ramana azad
—zanyarîyên bêlayan, analîzên rexneyî

Mehmet Masum Süer

Wênegir Mehmet Masum Süer, di 1957an de li gundê Ewêna ya Mêrdînê hatîye dinyayê. Li Amedê Enstîtûya Perwerdeyê xelas kirîye. Li Zanîngeha Anadoluyê di beşa Ziman û Wêjeya Tirkî de lîsansa xwe tamam kirîye.

Mehmet Masum Süer, cara pêşî di 13 salîya xwe de wêneyê yekem kişandîye û ji wê rojê heta îro bû 50 sal ku bi kameraya xwe ya efsûnî wêneyan digre.

Wêneyên wî di gelek kovar û rojnameyan de hatine weşandin. Wî wekî nivîskar, nûçegihan, redaktor û hwd. di gelek ajans û rojnameyan de kar kirîye.

[emember_protected]

Wênegir Mehmet Masum, xwe wekî wênegirê kulturê dide nasîn û dibêje, “Armanca min ew e ku wêneyên alavên jîyana rojanê yên çandî û hunerî ku her roj ji ber jîyana modern winda dibin, cih û warên dîrokî ku xerab dibin û ji holê radibin, çalakîyên hunerî wekî konsert û şano û hunermendên kurd, ez wêneyê hunera wan digrim û wekî arşîv ji bo nivşên siberojê diparêzim.“

Süer, li gelek bajarên Kurdistanê wekî Amed, Wêranşar, Batman, Silêmanî, Hewlêr û Duhokê pêşangeh vekirîye.

Di 2012an de li Amerîkayê bi 55 wêneyan beşdarî Festîvala Hunerî ya Kurdan bû ku ji alî Enstîtûya Kulturî ya Kurdistanê û Unîversîteya Dewletê ya Eyaleta Tenesseeyê hatibû amadekirin.

Süer, di salên dawî de li ser dîrok û çanda Kurdistanê lêkolînan dike û wekî belge bi awayekî profesyonel wêneyan digre. Wêneyên wî di kovar û rojnameyan de tên weşandin û di gelek salname, kartpostal û rêberên turîzmê de jî cih digrin. Süer nûnerê kovara PhotoWorldê yê Amedê ye û wekî rojnamevanê serbest dixebite. Wî gelek xelatên navneteweyî girtine.

Mehmet Masum ev serê 15 salan e ku bi navê  malperek li ser Hesenkêfê bi rê ve dibe ku bi rêya vê malperê bajarê Hesenkêfê bi cîhanê dide nasîn.

Hasan Hüseyin Deveci

[/emember_protected]

Galerî / Mehmet Masum Süer

[emember_protected] [/emember_protected]

Hemû gotarên nivîskar

+ Hemû gotarên nivîskar
Social media & sharing icons powered by UltimatelySocial