Tebax-îlon 2021 Abonetî Piştgirî  fransî | îngilîzî | almanî | edîsyonên dîn

rojnamegerîya rastîn, ramana azad
—zanyarîyên bêlayan, analîzên rexneyî

Hilberîna nakokîyên eşîrî ji alîyê amerîkîyan ve

Bêçaretîya leşkerên amerîkî ya di piştrastkirina agahîyên îstîxbaratî de, bû sedemeke girîng ji bo ku gelek afxan derfeta guncaw bi dest bixin da ku di karûbarê parvekirina mîrasê de ji biraziyekî tengezarker, ji cîranekî ku pê re nakokîya wan a axê hebû an jî ji raqîbekî sîyasî xwe rizgar bikin.  Gelek kesên girtî an jî kuştî tu têkilîya wan tunebû bi raperînê re û vê jî dijberî yên şexsî, malbatî û civatî hê zêdetir sor kirin.

Bi vî awayî, di sala 2003yan de, li eyaleta Kunar, piştî êrişa talîbanan a li dijî baregeheke li gelîyê Gancal, leşkerên amerîkî gihîştin agahîyeke ku berê wan da alîyê giregirekî eşîra Şînwarî, Abdul Walî. 21ê hezîrana 2003yan, li ser pêşnîyarên walîyê eyaletê, M. Faizal Akbar, ku wî şexsen nas dike, bersûc, li gel kurê walî, xwe radestî baregeha amerîkî dike. Çawa digihîje wir, tê girtin. Divê gelek roj derbas bibin ji bo ku walî karibe tê derxe ku wî nema karîye xwe bigire û bûye îtîrafkar li hemberî îşkenceya dema jêprisînê ku ji alîyê karmendekî CIA’yê, M. David Passaro ve hatîye kirin. Li gorî versîyona fermî, ew ê ji ber krîzeke dil miribe. Kesên nêzî qurbanî zû tê derdixin ka muxbîr kî ye: M. Mahmoud Mîran, fermandarekî eşîra salarzaî, dijminê şexsî yê walî. Dijminatîya xwînî xwezaya dijminatîyê jî diguherîne. Giregirên eşîra şînwarî li ser vê yekê biryarê didin têkildarî salarzaîyên nêzî talîbanan îstîxbaratê bidin leşkerên amerîkî yên ku wan digirin.

Di sala 2007an de, M. Passaro ji alîyê jurîyeke federal a amerîkî ve wekî kujer tê mehkûmkirin û heşt sal cezayê zindanê lê tê birîn. Lê belê ji bo veguherandina dînamîka xwecihî, ev yek pir bi derengî pêk tê. Dijberîya navbera Walî û M. Mîran bû nakokîyeke navbera tevnên fermandarên şînwarî û salarzaî û bû tovê mezinkirina bêîstiqrarîya li eyaletê.

  1. B. û G. D

Wergera ji fransî: Baran Nebar

Hemû gotarên nivîskar

+ Hemû gotarên nivîskar
+ Hemû gotarên nivîskar