Tebax-îlon 2021 Abonetî Piştgirî  fransî | îngilîzî | almanî | edîsyonên dîn

rojnamegerîya rastîn, ramana azad
—zanyarîyên bêlayan, analîzên rexneyî

Ercan Altuntaş

Wênesazê vê hejmarê Ercan Altuntaş di sala 1989an de li Amedê ji dayik bûye. Li Amedê dibistina amadeyî beşa wêneyê xwendîye.  Li Zanîngeha 9 Eylülê (GSF) Beşa Seramîk û Sêwirandina Caman dest bi perwerdeya xwe ya bilind kir. Ji ber bûyerên politîk dev ji zaningehê berda lê wî xebatên xwe yên hunerî dewam kir û bi wêne û sînemayê re mijûl bû.

Ercan Altuntaş şêwekarekî xwedî xêzên cihê ye, ew bêhtir li ser medyaya civakî wêneyan çêdike û parve dike. Altuntaş, van salên dawîyê bi wêneyên dijîtal re jî mijûl e û gelek wêneyên dijîtal jî xêz kirine. Herweha ew demeke dirêj jî bi xêzên xwe yên dîjîtal bi destanên kurdî daketibû û ji bo bernameyên destanên kurdî xebitîbû û xêz kiribû. Di dema pandemîyê de ew bêhtir li ser karê wênexêzkirinê hûr bûye û bi sedan wêne û xêzên xwe li ser hesabên xwe yên înstagram û twitterê parve kirîye.

Wî di sala 2018an de bi berhemên portreyên dengbêjên kurd pêşangeha xwe ya “Sewta li gel ba” çêkir.

Di sala 2019an de jî ji bo grevên birçîbûnê bîne rojevê, li ser hesabên xwe yê medyayê portreyên dayikên kurd xêz kir û belav kir.

Hunermend di 2021, de li Baroya Wanê pêşengeheke bi navê “Artîn” li dar xist. Altuntaş, di pêşengeha “Artîn” de rewşa koçberî û penaberîyê radixe ber çavan û bi xêzên xwe rêwîtîya wan a ber bi hêvîyê dest nîşan dike. Altuntaş bi pêşangeha Artîn dibêje, “Heger em mecbûr nemînin em xîçikê ku li pîyê me dikeve jî li erdê nehêlin, ji lewre ew xîçik jî yê me ye.”

Galerî /Ercan Altuntaş

Hemû gotarên nivîskar

+ Hemû gotarên nivîskar