Tebax-îlon 2021 Abonetî Piştgirî  fransî | îngilîzî | almanî | edîsyonên dîn

rojnamegerîya rastîn, ramana azad
—zanyarîyên bêlayan, analîzên rexneyî

bê welat

- the unexpected storytellers Şemî, 26 hezîran 2021-Yekşem, 15 tebax 2021

Pêşangeha komelgehî ya «bê welat – the unexpected storytellers» (bê welat – çîrokbêjên nepayî) li ser sekn û helwestên hunerî yên cihêreng hûr dibe ku têkildarî rastîyên kurdan in- ew rastîyên ku şêweya xwe bi berfirehî ji depresyona kolektîf, çalakîyên berxwedanê, trawma, şert û mercên cuda yên şerî, mêtingerî, qedexekirina zimên û halên sirgûnîyê digire, hatîye xêzkirin. Navenda pêşangehê ‹bêwelatî› ye ku tunebûna mal û dewletekê destnîşan dike û bangî îcrakirin û sêwirandina warên nû yên azadîxwaz dike. Bi vê hişmendîyê, nGbK dê ne tenê wekî qadeke statîk bê bikaranîn: li şûna kevneşopîya demkî û nûserîya derqadî, bernameya berfireh ku ji hêla hunermend û rewşenbîrên kurd ve hatîye verastkirin; daxwaznameyeke ku bi awayekî rexneyî pêwendîyê bi bandora şîdeta dewletê, (nû)mêtingerîyê, qanûnên pişavtinê û serwerîya nûserîyê ya di hunerên hevçax ên kurd re datîne.

Gava ‹Kurdayetî› li seranserê cîhanê bi çalakvanîya xwe ya sîyasî û berxwedana xwe ya dijmêtinger re têkildar tê hesibandin, midaxaleyên hunerî yên Kurdan jî piranîya caran bi awayekî xelet, wekî tiştên nepayî têne fêmkirin. Lêbelê, pratîkên weha jî, dikarin wekî pratîkên berfireh û dijmêtinger ên Kurdan û xwe-bicihkirinê werin dîtin. Ev pêşangeha ku xwe dispêre kevneşopîya roj bi roj vedimire ya dengbêjîyê ku bi awayekî devkî paşeroj û pêşeroja kurdan diparêze, ji vê projeyê kişfkirina şêweyên nû yên hunerî, vegotina rastîyên kurdan û materyalîzekirina wan ji xwe re dike armanc. »Bê welat« xebatên ku Kurdistan û dîyasporayên cuda yên kurdan bi hev ve girê dide pêşkêş dike. Karên ku di çarçoveya vê projeyê de têne pêşandan, ji veşîrovekirina estetîka kevneşopî bigire heya wêne û nîgarê, peykerên dîjîtal û hunera vîdyoyê berfireh in. Hunermendên beşdar, di xebatên xwe de li gel tiştên din; erdnigarî, ziman û laşî jî ji nû ve pênase dikin. Di bernameya xebatên piştevan de, nîqaşa li ser ‹bêwelatî› yê bi sohbetên li gel nivîskar, hunermend, sînemager, muzîkjen û pisporan re tê berfirehkirin. Bi vekolîna tewrên cihêreng; wekî muzîk, şano, wêje û sînemayê, armanca bernameyê ew e ku danûstandina multîdîsîplîner ya hunera hevçax a piralî ya di qada Kurdistanê de hêsantir bike. «bê welat – the unexpected storytellers» dil dike ku ji nostaljî, romantîzasyon, teswîr û şayesandinên oryantalîst ku hîn jî berdest in, dûr bikeve û pêwendîyên materyal, stratejî û perspektîfên li ser tirûşa kurdan raxe ber çavan.

Koma projeyê ya nGbK: Bilal Ata Aktaş, Elif Küçük,    Duygu Örs, Şener Özmen, Engin Sustam

Bi piştevanîya Şaxa Senatoyê ya bo Çand û Ewropayê û ya ifayê (Institut für Auslandsbeziehungen)

Hunermendên beşdar:
Deniz Aktaş, Havin Al-Sindy, Beizar Aradini, Nuveen Barwari, Mehmet Ali Boran, Savaş Boyraz, Mahmut Celayir, Fatoş Irwen, Miro Kaygalak, Elif Küçük, Zelal Özkan, Şener Özmen, Hêlîn Şahin

Beşdarên bernameya xebatên piştevan:
Hogir Ar, Mizgîn Müjde Arslan, Mihemedê Beyro, Yildiz Çakar, Ali Kemal Çınar, Hesen Ildiz, Hero Kurda, Mîrza Metîn, Hêja Netirk, Fatma Savci, Karosh Taha, Diako Yazdani, Soleen Yusef, Helim Yûsiv, Berfin Zenderlioğlu û yên din

Hemû gotarên nivîskar

+ Hemû gotarên nivîskar